पाँचथरमा ट्रयाक्टर दुर्घटना : एकको मृत्यु ३ घाइते

२०७६  असार १७ 
पाँचथर जिल्लाको हिलिहाङ गाउपालिका–१, आमबोटेमा ट्रयाक्टर दुर्घटना हुँदा एक जनाको  मृत्यु भएको छ । दुर्घटनामा परि - ३ जना घाइते भएका छन ।

संकेतिक तस्विर 

दुर्घटनामा  पाँचथर  जिल्लाको याङवरक गाउपालिका–३, ओयामका ३१ वर्षीय सुरेन्द्र सेलिङको मृत्यु भएको  हो । दुर्घटनाबाट इलामका २० वर्षीय लिला सुन्दास, पाँचथर याङवरक–३ का कुमार लिम्बू, र याङवरक–३ कै अजय सेलिङ घाइते भएका छन् ।   घाइतेहरुको  जिल्ला अस्पताल पाँचथरमा उपचार भैरहेको  प्रहरीले जनाएको छ ।  

निर्माणाधीन पुष्पलाल मध्यपहाडी लोकमार्गमा काम गरिरहेको ट्रयाक्टर मंगलबार  सामान र कामदार लिएर अमरपुरबाट सालिङगे जाँदै गर्दा दुर्घटनामा परेको  पाँचथरका प्रहरी निरीक्षक अनिलकुमार पौडेलले बताउनुभयो ।