पहिलो पटक पाइपबाट डिजेल आज नेपालमा आउदै

काठमाडौं साउन २ 

भारत-नेपाल  पेट्रोलियम पाइपलाइनमार्फत पहिलोपटक पठाइएको डिजेल बिहीबार मध्यरात नेपालमा आउने भएकाे छ । 

भारतको मोतीहारीबाट ६९.२ किमि लम्बाइर् भएकाे  पाइपलाइनमा पहिलो पटक परिक्षणका लागि पठाइएको 1000 लिटर डिजेल नेपालकाे  अमलेखगन्ज डिपोमा खस्ने भएकाे हाे   । डिजेल आज राति १२ बजेको तिर आयल निगमको अमलेखगन्ज डिपोमा डिजेल अाउने  अनुमान छ 

 यस अगाडी  गरिएकाे पानीको सफल परिक्षणपछि पहिलोपटक पाइपलाइनमा डिजेल पठाइएको नेपाल पठाइएकाे हाे  ।   भारतबाट बुधबार दिउँसो १२ बजे पाइपलाइनमा डिजेल हालिएको थियो । 

प्रथम चरणमा आउने तेलको गुणस्तर परीक्षणका लागि १५ सदस्यीय भारतीय आयल निगमको विज्ञ  टोली पनि अमलेखगन्जमा तयारी अबस्थामा रहेका छन ।  पाइपलाइनबाट तत्काल प्रतिघन्टा २ लाख लिटर डिजेल ल्याउन  सकिने  आयल निगम अमलेखगन्ज डिपो प्रमुख प्रदीप यादवले जानकारी दिएका छन ।

 मोतिहारीबाट  बुधबार पम्पिङ गरिएको 1000 लिटर डिजेलको अघिल्लो भागमा पानी रहेका कारण  तेल अमलेखगञ्जमा  अाएपछी  प्रशोधन गरी पानी र तेल छुट्याइने छ । यसका लागि अमलेखगञ्ज डिपोमा चारवटा ट्याङ्की तयारी अवस्थामा रहेका  छन् । 

५ अर्ब १८ करोड ४० लाख नेपाली रुपैयाँ लागतमा निर्माण पाइपलाइनको दुई देशका प्रधानमन्त्री स्तरबाट छिटै उद्घाटन गर्ने तयारी भएकाे स्रोतले बतायो ।

पाइपलाइनबाट  अमलेखगन्ज डिपोमा पेट्रोल राख्नका लागि ‘भर्टिकल’ नबनेका कारण अहिले डिजल मात्रै ल्याउने आयल निगमले जनाएको छ । भारतबाट गुणस्तर प्रमाणित भएर  आएको तेललाइ नेपालले  अमलेखगन्जमा पुनः  परिक्षण गरेर मात्रै जनतालाइ वितरण गर्नेछ ।

नेपाल भारत सहमती अनुसार पाइपलाइन निमार्णको सबै खर्च आईओसीले ब्याहोर्ने र अमलेखगन्ज डिपो सुदृढिकरणमा एनओसीले खर्च गर्ने सम्झौतामा उल्लेख थयो । तर अहिले पाइपलाइन निमार्णको ३ अर्ब भारु र अमलेखगन्ज डिपो सुदृढीकरणमा लागेको २४ करोड भारु आईओसीले नै ब्यहोरेको  निगमले बताएको छ ।

हाल भारतबाट पेट्रोलियम ढुवानी गर्दा प्रतिलिटर २ रुपैयाँ ५० पैसा ढुवानी शुल्क लाग्छ । पाइपलाइन संचालनमा अाउनासाथ  ढुवानी शुल्क घट्ने निगमले जनाएको छ । साथै  इन्धन चोरी रोकिनुका साथै ढुवानी गर्ने चालक तथा सवारीमा लाग्ने विभिन्न खर्च पनि घट्ने आयल निगमले जनाएकाे छ  ।
In English Language  :