दर्शक बिना खेल्याे उत्तर र दक्षिण काेरियाले बिश्वकप छनाैट खेल
सन् २०२२ मा कतारमा हुने फिफा विश्वकप छनोट अन्तर्गत मंगलबार २ देशबीच खेल भयो । तर यो खेल कुन समयमा भयो, कसरी भयो त्यो कसैलाई थाहा भएन, यो खेलको न त प्रत्यक्ष प्रशारण थियो, न त विदेशी पत्रकार नै उपस्थित थिए, अझ भनौँ मैदानमा एक जना पनि दर्शक उपस्थित थिएनन् ।
यो खेल हो दक्षिण कोरिया र उत्तर कोरियाबीच भएको छनोट खेल । उत्तर कोरियामा भएको यो खेलमा दक्षिण कोरियाबाट खेलाडी र अफिसियल बाहेक अरु २ जना पदाधिकारीलाई मात्र पठाएको थियो । जसले खेलको अपडेट संघमा गरुन भनेर । निकै सुरक्षाकाबीच गोप्य किसिमले गरिएको यो खेलमा किम जोङको सरकारले दक्षिण कोरियाका एक जना पनि समर्थकलाई हेर्नका लागि उत्तर कोरीयामा अनुमति दिएको थिएन ।
यतिमात्र होइन, फुटबल इतिहासमा पहिलो पटक खेलेका यी २ टिममा एकजना पनि विदेशी पत्रकारलाई अनुमति दिइएको थिएन । कुनै पनि टेलिभिजनमा प्रत्यक्ष प्रसारण नदिइएको यो खेलमा उत्तर कोरियाले दक्षिणलाई खेलपछि भिडियो टेप दिने सहमति भने दिएको थियो ।
तर त्यो पनि खेलाडी स्वदेश फर्किँदा मात्र । त्यही आधारमा यो खेलका केही फोटोहरु सार्वजनिक भएका हुन् । खेलकाे नतिजा पनि गोलरहित बराबरीमा सकिएकाे थियाे । याे पनी हेर्नुस ः
